Blog entry by JF VIEL
Anyone in the world
Nos ancêtres adoraient les redondances, les formules juridiques des actes notariés ou judiciaires en regorgent.
En fin d'intitulation des inventaires après décès de l'Ancien Régime, il est ainsi fréquent de rencontrer la formule suivante : "sans aulcuns [biens] en lattiter, cacher, musser ne receller".
Les verbes latiter, cacher, musser et recéler renvoient tous au même sens, celui de cacher, de dissimuler.
Voici l'intitulation d'un inventaire après décès parisien du 2 juillet 1588 contenant cette formule (Arch. nat., Minutier central, XXXIV-23).
Transcription :
« L'an mil VC quatre vingtz huict, le samedy après
midy second jour de juillet, à la requeste et presence
de Jehanne BELLENGER, vefve de feu Pierre
SELINCART, vivant marchant suyvant la Court, et elle
de present servante demourant au logis de Nicolas
HARDY, marchant grainnyer demourant à Paris, rue de
Montorguieul, parroisse St Eustache(1). Et aussy
en la presence dudict Nicolas HARDY, beau frere de ladicte
BELLENGER à cause de Jeanne SELINCART à present
sa femme, subrogé
tuteur dudict myneur(2) et à la
conservation du droict qu'il apartiendra, par Jehan
CHAPELLAIN et Jehan MURET, notaires du Roy nostre sire
au Chastelet de Paris soubz signés, fut et a esté faict
inventaire et description de tous et chacuns les biens
meubles, ustancilles d'hostel et aultres choses
demourez après le decedz et trespas dudict deffunct
et qu'elle a de present en sa possesssion et à elle
apartenans, trouvez et estans en la seconde chambre
de la maison où ledict HARDY est à present demourant,
monstrez et enseignez par ladicte vefve après
serment solempnel par elle faict ès
mains desdictz notaires, de tout ce qu'elle a
de present en sa possession et à elle apartenans, monstrer
et enseigner pour estre mys par escript
en ce present inventaire, sans aulcuns en lattiter,
cacher, musser ne receller sur les
peynes de droict en tel cas introduictes,
à elle exprimées et données à
![Arch. nat., Minutier central, XXXIV-23 (2)](https://paleo-en-ligne.fr/pluginfile.php/1/blog/post/30/68555336_549430322261297_8530822875500773376_o.jpg)
entendre par lesdictz notaires, prisez et estimez
par Pierre DAN Lesné, sergent à verge priseur juré
et vendeur de biens meubles ès ville,
prevosté et viconté de Paris, aussi après
serment solempnel par luy faict ès mains desdictz
notaires de tout ce qui luy sera
monstrer priser et estimer en sa conscience
sans porter faveur à l'une ne à l'aultre
des partyes eu esgard au cours et temps
de present et que biens meubles peuvent
valloir, lesquelz il a prisez et
estimez aux sommes de deniers selon
et ainsi que s'ensuit. Ladicte vefve a
declaré ne sçavoir escripre ne signer. »
Ainsi signé : Nicolas HARDY.
Renvois en marge :
(1) « tant en son nom
que comme tutrice et
curatrice de
Jehan SELINCART,
aagé de VI ans
ou environ, filz myneur
d'ans dudict deffunct
et d'elle. »
(2) « quant aux
actions, partage,
division, redition
de compte et
aultres actions
d'entre ledict
myneur et sadicte mere. »
[ Modified: Saturday, 21 November 2020, 4:45 PM ]